حالیہ تحقیق سے معلوم ہوا ہے کہ ماں کی گائی ہوئی لوری بچے کے دماغ اور جسم پر غیر معمولی اثرات مرتب کرتی ہے۔ سائنس دانوں کے مطابق ماں کی آواز میں گائی گئی لوریاں نہ صرف بچے کے دل کی دھڑکن کو متوازن کرتی ہیں بلکہ اعصابی نظام کو پُرسکون کرنے اور ابتدائی مراحل میں دماغی نشوونما کو سہارا دینے میں بھی مددگار ثابت ہوتی ہیں۔
تحقیق میں بتایا گیا ہے کہ ماں کی آواز کا آہنگ، ردھم اور جذباتی گرمی بچے کے لیے ایک مضبوط سہارا بن جاتی ہے، جو نوزائیدہ کو محفوظ، مطمئن اور جڑا ہوا محسوس کرواتی ہے۔ یہ آواز بچے میں سکون پیدا کرتی ہے اور اسے ایک جذباتی تحفظ فراہم کرتی ہے۔
ماہرین کے مطابق اس طرح کی صوتی قربت نہ صرف بہتر نیند میں مدد دیتی ہے بلکہ جذباتی توازن اور ماں بچے کے درمیان گہرا تعلق بھی قائم کرتی ہے۔
الفاظ کو سمجھنے سے بہت پہلے ہی بچوں کا دماغ آوازوں پر ردِعمل دینے کے لیے تیار ہوتا ہے، اور ان کے لیے سب سے مؤثر اور شفا بخش آواز وہی ہوتی ہے جس سے وہ سب سے پہلے واقف ہوتے ہیں — یعنی ماں کی آواز۔
کبھی کبھی بہترین علاج کسی دوا کی شکل میں نہیں ہوتا،
بلکہ ایک لوری کی صورت میں دل تک پہنچتا ہے۔
