بابر اعظم کی سڈنی سکسزرز میں شمولیت نے بگ بیش لیگ میں ہی نہیں بلکہ ڈیجیٹل دنیا میں بھی واضح اثر ڈالا ہے۔ ان کے اعلان کے فوراً بعد سڈنی سکسزرز کے سوشل میڈیا اکاؤنٹس پر غیر معمولی سرگرمی دیکھی گئی اور ٹیم عالمی سطح پر زیادہ توجہ کا مرکز بن گئی۔
ذرائع کے مطابق بابر اعظم کی شمولیت کے چند ہی دنوں میں سڈنی سکسزرز کے انسٹاگرام ایکس اور فیس بک اکاؤنٹس پر فالوورز کی تعداد میں نمایاں اضافہ ہوا۔ خاص طور پر پاکستان بھارت اور مشرق وسطیٰ سے شائقین کی بڑی تعداد نے ٹیم کے اکاؤنٹس کو فالو کرنا شروع کیا جس سے ٹیم کی آن لائن رسائی کئی گنا بڑھ گئی۔
سڈنی سکسزرز کی جانب سے بابر اعظم سے متعلق پوسٹس کو معمول کے مقابلے میں کہیں زیادہ لائکس کمنٹس اور شیئرز ملے۔ ہر اعلان ہر تصویر اور ہر ویڈیو پر شائقین کی بھرپور ردعمل نے واضح کر دیا کہ بابر اعظم کی مقبولیت صرف میدان تک محدود نہیں بلکہ ڈیجیٹل پلیٹ فارمز پر بھی ان کا اثر گہرا ہے۔
کرکٹ تجزیہ کاروں کا کہنا ہے کہ بابر اعظم جیسے عالمی اسٹار کی شمولیت نہ صرف ٹیم کی برانڈ ویلیو میں اضافہ کرتی ہے بلکہ لیگ کو بھی نئی منڈیوں تک پہنچنے میں مدد دیتی ہے۔ سڈنی سکسزرز اب بگ بیش لیگ کی ان ٹیموں میں شامل ہو چکی ہے جنہیں جنوبی ایشیا میں سب سے زیادہ دیکھا اور فالو کیا جا رہا ہے۔
یہ پیش رفت اس بات کا واضح ثبوت ہے کہ بابر اعظم جدید کرکٹ میں صرف ایک کامیاب بلے باز ہی نہیں بلکہ ایک عالمی برانڈ بن چکے ہیں جن کی موجودگی کسی بھی ٹیم کی مقبولیت کو نئی بلندیوں تک لے جا سکتی ہے۔
