Pakistan Super League کے سیزن 11 کے فائنل مرحلے کا شیڈول تیار کر لیا گیا ہے اور لیگ انتظامیہ نے اسے فرنچائزز کے ساتھ شیئر کر دیا ہے۔

پی ایس ایل انتظامیہ نے 44 میچوں پر مشتمل مکمل شیڈول فرنچائزز کو فراہم کیا ہے۔ لیگ کے سب سے زیادہ میچز Lahore میں کھیلے جائیں گے جہاں 14 مقابلے شیڈول کیے گئے ہیں۔

دیگر وینیوز میں Rawalpindi میں 10، Faisalabad میں 7، Multan میں 4، Karachi میں 6 جبکہ Peshawar میں 2 میچز رکھے گئے ہیں۔ تاہم امکان ظاہر کیا جا رہا ہے کہ پشاور کے میچز ملتان منتقل کیے جا سکتے ہیں۔

پی ایس ایل کا افتتاحی میچ 26 مارچ کو Hyderabad Kingsmen اور Lahore Qalandars کے درمیان کھیلا جائے گا۔ لیگ کے دوران 7 مارچ، 21 اپریل، یکم مئی اور 4 مئی کو ریسٹ ڈے رکھے گئے ہیں۔

پہلا کوالیفائر 2 مئی کو راولپنڈی میں کھیلا جائے گا جبکہ پہلا ایلیمینیٹر 3 مئی کو ہوگا۔ دوسرا ایلیمینیٹر 5 مئی کو لاہور میں منعقد کیا جائے گا۔

فائنل میچ 10 مئی کو شیڈول ہے، تاہم اس کے مقام کا ابھی حتمی فیصلہ نہیں کیا گیا۔ فائنل کے لیے امریکہ، برطانیہ یا لاہور میں انعقاد کی تجاویز زیر غور ہیں۔ اس حوالے سے حتمی فیصلہ Mohsin Naqvi کریں گے۔