پاکستان نے سرحد پار تجارت کو جدید بنانے کی جانب ایک بڑا قدم اٹھاتے ہوئے سست ڈرائی پورٹ (چین سرحد) اور گبد بارڈر ٹرمینل (ایران سرحد) پر جدید اے آئی پر مبنی کارگو اسکیننگ سسٹمز نصب کر دیے ہیں۔

نیشنل لاجسٹکس سیل (NLC) کے مطابق یہ جدید اسکینرز صرف 22 سیکنڈ میں گاڑیوں کی جانچ کر سکتے ہیں۔ یہ سسٹم مصنوعی ذہانت (AI) کی مدد سے کارگو کوڈز کی شناخت اور سامان کی ساخت کا تفصیلی تجزیہ کرتا ہے۔

اس جدید ٹیکنالوجی کا مقصد غلط ڈیکلریشن کی روک تھام، انسانی مداخلت میں کمی اور کنٹینرز کے انتظار کے وقت میں نمایاں کمی لانا ہے۔ حکام کا کہنا ہے کہ اس اقدام سے سرحدی تجارت زیادہ شفاف، تیز اور مؤثر ہو جائے گی، جس سے علاقائی تجارت کو بھی فروغ ملے گا۔