پاکستانی یوٹیوبر راجہ بٹ نے برطانوی میڈیا اور سوشل میڈیا پر گردش کرنے والی خبروں کی سختی سے تردید کرتے ہوئے کہا ہے کہ انہیں ڈی پورٹ نہیں کیا گیا بلکہ وہ اپنی مرضی سے وطن واپس آئے ہیں۔
انہوں نے کہا:
“کوئی بندہ ڈی پورٹ ہو کر بزنس کلاس میں واپس نہیں آتا۔”

راجہ بٹ نے وضاحت کی کہ انہیں ڈی پورٹ نہیں کیا گیا، البتہ ان کا UK ویزا منسوخ ہوا ہے۔
انہوں نے کہا:
“میرا ویزا کینسل ہوا ہے اور ہوم آفس میں درخواست جمع کروائی گئی ہے کہ میرے خلاف پاکستان میں مقدمات ہیں۔”
انہوں نے بتایا کہ وہ 10 سالہ ویزا رکھتے تھے جسے ان کے وکیل نے ہوم آفس میں ریویو کے لیے چیلنج کر دیا ہے۔

“ای سی ایل پر نام نہیں”

راجہ بٹ نے مزید کہا:

“میرا نام ای سی ایل میں نہیں ہے۔”

“میں کیس چلنے تک پاکستان میں رہوں گا۔”

“اگر ویزا منسوخ ہو جائے تو برطانیہ میں 10 سال کی پابندی لگتی ہے لیکن میں ایسی پابندی نہیں چاہتا۔”

میڈیا رپورٹس کے مطابق راجب بٹ کو منگل کی رات اس وقت واپس بھیجا گیا جب برطانوی حکام نے उनके خلاف مقدمات چھپانے پر ان کا ویزا منسوخ کر دیا۔
اطلاعات میں دعویٰ کیا گیا کہ برطانوی ہوم ڈپارٹمنٹ نے انہیں بتایا کہ انہوں نے ویزا اپلائی کرتے وقت اپنے خلاف موجود پاکستانی کیسز ظاہر نہیں کیے تھے، اسی بنا پر انہیں گرفتار کیا گیا، ویزا منسوخ کیا گیا اور ڈی پورٹ آرڈر جاری کیا گیا۔

راجہ بٹ نے کہا ہے کہ وہ اس فیصلے کے خلاف اپیل کریں گے اور معاملے کو لندن میں چیلنج کریں گے۔
انہوں نے مزید کہا کہ وہ 10 دن کے اندر کراچی کی عدالت میں پیش ہوں گے۔

راجہ بٹ — شہرت اور تنازعات

راجہ بٹ اپنے فیملی ولاگز، لگژری لائف اسٹائل اور مختلف تنازعات کے باعث مشہور ہیں۔

یوٹیوب پر: 8.2 ملین سبسکرائبرز

انسٹاگرام پر: 2.7 ملین فالوورز

پاکستان میں ان کے خلاف بیٹنگ ایپس کی تشہیر سمیت متعدد مقدمات درج ہیں، جس کے بعد وہ لندن منتقل ہو گئے تھے۔

ندیم نانی والا کا ردعمل

ٹک ٹاکر ندیم نانی والا نے بھی سوشل میڈیا خبروں کی تردید کرتے ہوئے کہا:
“یہ بات پھیلائی جا رہی ہے کہ میرا ویزا ختم ہوگیا ہے۔ میرا ویزا ختم نہیں ہوا کیونکہ میرے پاس شہریت ہے۔”
انہوں نے تصدیق کی کہ ان کے خلاف دو ایف آئی آرز درج ہیں، اور وہ اسلام آباد ہائی کورٹ سے حفاظتی ضمانت لے چکے ہیں۔
انہوں نے کہا:
“میں ڈکی سے ملا تھا اور ہماری گفتگو سامنے آ گئی ہے۔ مناسب وقت پر سب سامنے آ جائے گا۔”

اسلام آباد ہائی کورٹ کا حکم

اسلام آباد ہائی کورٹ نے منگل کے روز

راجہ بٹ اور ندیم نانی والا کو آج تک حفاظتی ضمانت دی

حکام کو ہدایت کی کہ اسلام آباد ایئرپورٹ پر انہیں گرفتار نہ کیا جائے

دونوں کو متعلقہ عدالتوں میں پیش ہونے کا حکم دیا

دونوں کو گیمبلنگ ایپ اور سائبر کرائم کے مقدمات میں حفاظتی ریلیف دیا گیا ہے۔