پاکستان اور جنوبی افریقا کے درمیان ہونے والی ٹی20 سیریز کے لیے قومی ٹیم کے اسکواڈ کی تشکیل آخری مرحلے میں داخل ہو گئی ہے، اور اطلاعات کے مطابق کئی کھلاڑیوں کی جگہ خطرے میں ہے۔

ذرائع کا کہنا ہے کہ دو سے تین تبدیلیاں متوقع ہیں۔ حسین طلعت اور خوشدل شاہ کی ٹیم میں جگہ برقرار رہنا مشکل نظر آرہا ہے، جب کہ عرفان نیازی اور نسیم شاہ کو اسکواڈ میں شامل کیے جانے کا قوی امکان ہے۔

ذرائع کے مطابق بابر اعظم اور محمد رضوان کو اس سیریز میں آرام دینے پر غور کیا جا رہا ہے، جب کہ شاہین آفریدی کے لیے بھی ریسٹ کی تجویز زیرِ غور ہے۔

پاکستان کے ٹی20 کھلاڑی 25 اکتوبر کو اسلام آباد میں رپورٹ کریں گے، جبکہ ٹریننگ سیشن 26 اکتوبر کو شیڈول ہے۔
تین میچوں پر مشتمل سیریز کا پہلا مقابلہ 28 اکتوبر کو پنڈی اسٹیڈیم میں کھیلا جائے گا، جب کہ دوسرا اور تیسرا میچ 31 اکتوبر اور یکم نومبر کو لاہور میں شیڈول ہیں۔

🎟️ ٹکٹوں کی فروخت شروع — شائقین کے لیے بڑی خوشخبری

پاکستان اور جنوبی افریقا کے درمیان ٹی20 اور ون ڈے سیریز کے لیے ٹکٹوں کی فروخت کا آغاز ہو چکا ہے۔
راولپنڈی میچ کے لیے ٹکٹ کی قیمتیں 400 روپے سے 15 ہزار روپے تک رکھی گئی ہیں۔

جنرل: 400 روپے

فرسٹ کلاس: 600 روپے

پریمیئم: 700 روپے

وی آئی پی: 800 روپے

پی سی بی گیلری: 1500 روپے

پلیٹینم باکس: 15000 روپے فی سیٹ

اسی طرح لاہور کے قذافی اسٹیڈیم میں ٹکٹ کی قیمتیں 400 سے 2500 روپے جبکہ فیصل آباد اقبال اسٹیڈیم کے لیے 400 سے 3000 روپے تک مقرر کی گئی ہیں۔