برطانوی اخبار دی ٹیلی گراف کو دیے گئے انٹرویو میں انہوں نے بتایا کہ ایک میچ میں بھارت نے مقررہ وقت میں 3 سے 4 اوور کم کرائے، جس پر معمول کے مطابق جرمانہ بنتا تھا، لیکن میچ کے بعد انہیں ہدایت ملی کہ بھارت پر ہاتھ ہلکا رکھیں اور نرمی دکھائیں۔ کرس براؤڈ نے کہا کہ کھیل میں سیاست کا عنصر کافی زیادہ ہے اور آئی سی سی کے فیصلوں میں مالی طاقت اور سیاسی اثرات شامل ہیں، جس کی وجہ سے بھارت کو عملی طور پر اثر و رسوخ حاصل ہے۔ انہوں نے 2003 سے 2024 تک میچ ریفری کے طور پر خدمات انجام دی ہیں۔