گوگل نے حال ہی میں اپنا نیا Gemini 3 Pro اور Nano Banana Pro ماڈل متعارف کرایا، جنہیں اس کی اے آئی لائن اپ میں نمایاں اضافہ قرار دیا جا رہا ہے۔ لانچ کے وقت، فری صارفین کو روزانہ پانچ پرامپٹس تک Gemini 3 Pro استعمال کرنے کی اجازت تھی، جو پہلے Gemini 2.5 Pro کے لیے بھی یہی حد تھی۔ اسی طرح Nano Banana Pro کے لیے روزانہ تین تصاویر تک فری استعمال کی اجازت تھی۔

تاہم، گوگل نے اب خاموشی سے ان پابندیوں کو تبدیل کر دیا ہے، اور موجودہ حدود پہلے کی طرح واضح نہیں رہیں۔ گوگل کی آفیشل ویب سائٹ پر تازہ ترین اپ ڈیٹ کے مطابق، بغیر گوگل AI Pro یا گوگل AI Ultra سبسکرپشن والے صارفین کو اب Gemini 3 Pro اور Nano Banana Pro تک صرف “Basic Access” دیا جائے گا۔ کمپنی نے عوامی ڈاکیومنٹیشن سے روزانہ کی واضح حدیں ہٹا دی ہیں۔

تازہ ترین ایکسیس ٹئیرز

گوگل نے نئی اپ ڈیٹ میں Gemini ایپ کے لیے چار سطحیں متعارف کرائی ہیں:

Gemini (Free) — بنیادی رسائی

Google AI Plus — فری کے مقابلے میں 5 گنا زیادہ رسائی

Google AI Pro — فری کے مقابلے میں 20 گنا زیادہ رسائی

Google AI Ultra — فری کے مقابلے میں 100 گنا زیادہ رسائی

خصوصیات جیسے کہ:

Thinking with 3 Pro

امیج جنریشن

ویڈیو جنریشن

Deep Think

سلائیڈز کی تخلیق

شیڈولڈ ایکشنز

اب سبسکرپشن کی سطح کے مطابق بدلتی ہیں۔ زیادہ مہنگے پلانز میں بڑا کانٹیکسٹ ونڈو، بہتر Veo 3.1 Fast ویڈیو جنریشن, اور نئی خصوصیات تک ترجیحی رسائی شامل ہے۔

Deep Research، امیج ایڈیٹنگ، اور Gemini کے ایڈوانسڈ کانٹیکسٹ ونڈو کی رسائی بھی اب زیادہ تر پریمیم پلانز کے ساتھ مشروط کر دی گئی ہے۔

مفت رسائی برقرار ہے، لیکن…

گوگل واضح طور پر زیادہ صارفین کو AI Pro اور AI Ultra جیسے پریمیم پلانز کی طرف منتقل کرنا چاہتا ہے، خصوصاً جیسے جیسے Gemini کی مانگ بڑھتی جا رہی ہے۔ تاہم، کمپنی نے مفت رسائی مکمل طور پر ختم نہیں کی۔

فری صارفین اب بھی Gemini 3 Pro اور Nano Banana Pro استعمال کر سکتے ہیں — لیکن پہلے کی طرح شفاف روزانہ حدود دکھائی نہیں جاتیں، اور رسائی اب “Basic Access” کے تحت محدود ہے۔