اسلام آباد: جمعیت علمائے اسلام (ف) کے رہنما فاروخ کھوکھر کو وفاقی دارالحکومت میں پولیس نے حراست میں لے لیا ہے۔
پولیس ذرائع کے مطابق فاروخ کھوکھر کو زیرو پوائنٹ ناکے سے گرفتار کیا گیا، جس کے بعد انہیں آبپارہ تھانے منتقل کر دیا گیا ہے۔ پولیس نے کہا ہے کہ واقعے کے حوالے سے مزید تفصیلات جلد جاری کی جائیں گی۔
یاد رہے کہ چند ماہ قبل فاروخ کھوکھر، جو راولپنڈی کے معروف سیاسی مرکز کھوکھر ہاؤس سے تعلق رکھتے ہیں، نے مولانا فضل الرحمان سے ملاقات کے بعد باقاعدہ طور پر جے یو آئی (ف) میں شمولیت اختیار کی تھی۔
فاروخ کھوکھر کا تعلق پاکستان کی ایک اہم سیاسی خاندان سے ہے۔ وہ سابق ڈپٹی اسپیکر قومی اسمبلی نواز کھوکھر کے بھتیجے، سابق سینیٹر اور بلاول بھٹو زرداری کے ترجمان مصطفیٰ نواز کھوکھر کے کزن، اور معروف سیاسی شخصیت امتیاز کھوکھر عرف تاجی کھوکھر کے صاحبزادے ہیں۔
پولیس کی جانب سے گرفتاری کے محرکات اور مزید کارروائی سے متعلق باضابطہ بیان ابھی جاری ہونا باقی ہے۔