انسدادِ دہشت گردی عدالت نے تفتیشی افسر کی استدعا منظور کر لی
اسلام آباد: انسدادِ دہشت گردی عدالت (اے ٹی سی) اسلام آباد نے مذہبی جماعت کے 30 سے زائد کارکنان کو شناخت پریڈ کے لیے جیل منتقل کرنے کا حکم دے دیا۔
جج ابوالحسنات محمد ذوالقرنین کی عدالت میں ملزمان کو سخت سیکیورٹی میں پیش کیا گیا، جہاں تفتیشی افسر نے شناخت پریڈ کے لیے 14 روزہ ریمانڈ کی استدعا کی۔
عدالت نے دلائل سننے کے بعد پولیس کی درخواست منظور کر لی۔
ذرائع کے مطابق مذہبی جماعت کے ان کارکنان کے خلاف مقدمات تھانہ شہزاد ٹاؤن اور تھانہ سنبل میں درج کیے گئے تھے۔
شناخت پریڈ مکمل ہونے کے بعد ملزمان کو دوبارہ عدالت میں پیش کیا جائے گا۔
