لاہور: پاکستان کے معروف کرکٹر عماد وسیم نے چھ سالہ ازدواجی زندگی کے بعد اپنی علیحدگی کا اعلان کر دیا ہے۔
عماد وسیم نے اپنے بیان میں مداحوں اور میڈیا سے اپیل کی ہے کہ وہ ان کی نجی زندگی کا احترام کریں اور پرانی جوڑی کی تصاویر شیئر کرنے یا سابقہ اہلیہ کو ان کی شریکِ حیات قرار دینے سے گریز کریں۔
انہوں نے واضح کیا کہ اس معاملے سے متعلق گمراہ کن بیانیہ پھیلانے سے اجتناب کیا جائے، جبکہ اس بات پر زور دیا کہ وہ اپنے بچوں کی ذمہ دارانہ دیکھ بھال اور فلاح و بہبود کے لیے مکمل طور پر پرعزم ہیں۔
عماد وسیم کا کہنا تھا کہ یہ فیصلہ باہمی احترام کے ساتھ کیا گیا ہے اور اس نازک وقت میں رازداری ان اور ان کے اہلِ خانہ کے لیے نہایت اہم ہے۔
واضح رہے کہ کرکٹر نے اپنی پیشہ ورانہ ذمہ داریوں کو جاری رکھنے کے عزم کا بھی اظہار کیا ہے۔
