آسٹریلوی کرکٹ ٹیم کے مایہ ناز بلے باز اسٹیو اسمتھ نے میچ کے بعد دیے گئے بیان میں قومی ٹیم کے کپتان بابر اعظم پر بالواسطہ تنقید کر دی، جس کے بعد کرکٹ حلقوں میں نئی بحث چھڑ گئی ہے۔
اسٹیو اسمتھ نے کہا:
“دس اوورز کے بعد ہمیں کہا گیا کہ فوراً سرج لے لیں، لیکن میں نے کہا کہ ایک اوور اور دیں، میں شارٹ باؤنڈری کو ٹارگٹ کرنا چاہتا ہوں۔ آخر میں ہم نے 32 رنز بنا لیے۔ یہ ایک بہترین سرج تھا، مجھے نہیں لگتا کہ بابر اس سے زیادہ خوش ہوں گے۔”
اس بیان سے یہ واضح ہوتا ہے کہ آسٹریلوی ٹیم نے پاکستان کی فیلڈنگ اور حکمتِ عملی کو بخوبی سمجھ لیا تھا، جبکہ بابر اعظم اس موقع پر میدان میں خاصے ناخوش نظر آئے۔
کرکٹ تجزیہ کاروں کے مطابق اسٹیو اسمتھ کا یہ بیان محض ایک تبصرہ نہیں بلکہ پاکستانی کپتانی اور فیصلوں پر سوالیہ نشان بھی ہے۔ سوشل میڈیا پر شائقینِ کرکٹ اس بیان پر ملا جلا ردِعمل دے رہے ہیں، جہاں کچھ افراد اسٹیو اسمتھ کی ذہانت کی تعریف کر رہے ہیں جبکہ کچھ اسے بابر اعظم کے لیے ایک چیلنج قرار دے رہے ہیں۔
یہ بیان میچ کے بعد سے ہی کرکٹ دنیا میں خاصی توجہ حاصل کر رہا ہے۔
