پاکستان اور جنوبی افریقا کے درمیان تین ٹی ٹوئنٹی میچوں کی سیریز آج اپنے فیصلہ کن مرحلے میں داخل ہو رہی ہے، جب لاہور کے قذافی اسٹیڈیم میں رات 8 بجے آخری میچ کھیلا جائے گا۔ راولپنڈی میں پہلے میچ میں جنوبی افریقا نے 55 رنز سے کامیابی حاصل کی تھی، تاہم دوسرے میچ میں پاکستان نے شاندار کم بیک کرتے ہوئے 9 وکٹوں سے فتح سمیٹ کر سیریز 1-1 سے برابر کر دی۔ فاتح ٹیم آج کی کارکردگی کی بنیاد پر ٹرافی اپنے نام کرے گی۔ ٹی ٹوئنٹی سیریز کے بعد دونوں ٹیمیں 4 نومبر سے فیصل آباد میں تین ون ڈے میچوں کی سیریز میں آمنے سامنے ہوں گی۔