پاکستانی یوٹیوبر رجب بٹ کو برطانیہ نے ملک بدر کرتے ہوئے آج صبح وطن واپس بھیج دیا۔ ذرائع کے مطابق رجب بٹ لندن ایئرپورٹ سے پاکستان جانے والی پرواز کے ذریعے روانہ ہوئے۔
ابتدائی معلومات کے مطابق رجب بٹ کی ملک بدری کی اصل وجہ ان کے برطانوی ویزے کی منسوخی بتائی جا رہی ہے۔ حکام نے ویزا کینسل ہونے کے بعد ان کی برطانیہ میں مزید موجودگی کو غیرقانونی قرار دیتے ہوئے انہیں ملک چھوڑنے کا حکم جاری کیا۔
رجب بٹ، جو سوشل میڈیا پر اپنے ویلاگز اور مختلف موضوعات پر مبنی ویڈیوز کی وجہ سے پہچانے جاتے ہیں، اس حوالے سے ابھی تک کوئی تفصیلی بیان جاری نہیں کر سکے۔ تاہم یہ کارروائی سوشل میڈیا پر ان کے مداحوں کے درمیان بحث کا باعث بنی ہوئی ہے۔
