واشنگٹن — امریکی صدر ڈونلڈ ٹرمپ نے بھارتی وزیراعظم نریندر مودی کو واضح پیغام دیا ہے کہ بھارت اور پاکستان کے درمیان جنگ نہیں ہونی چاہیے اور مسائل کو تجارت کے ذریعے حل کرنا چاہیے۔
صدر ٹرمپ نے بتایا کہ دیوالی کے موقع پر مودی سے فون پر بات ہوئی، جس میں باہمی تجارت اور علاقائی کشیدگی کے امور زیرِ بحث آئے۔ ان کے مطابق دونوں ملکوں میں اس وقت کوئی جنگ نہیں چل رہی اور تجارتی مذاکرات نے تناؤ کم کرنے میں معاونت کی ہے۔
ٹرمپ نے مزید کہا کہ محصولات (ٹیرفز) ملکی اقتصادیات کے لیے اہم ہیں اور بعض اوقات قومی سلامتی کے تحفظ کے لیے کسٹم ڈیوٹیز لگانا ضروری ہوتا ہے۔ انہوں نے یہ بھی بتایا کہ بھارت روس سے تیل کی خریداری محدود کرے گا۔
صدر نے اپنی سابقہ دعووں کو دہراتے ہوئے کہا کہ انہوں نے ماضی میں کئی جنگیں روکیں، اور پاک بھارت تنازعہ بھی ان میں شامل تھا۔ ان کے بقول انہوں نے تجارتی اقدامات اور تنبیہ کے ذریعے بڑی تباہی سے بچا لیا۔
